Asia Bar - Phuket/Thailand *´¯`·.¸¸.·´¯`·.¸¸.·´¯`·.¸

Seawas! - Willkommen! - Welcome! - ต้อนรับ! - Welkom! - Bienvenue! - Benvenuto! - Bienvenido! - Boa vinda!

Drugg auf d Faunä, daun griagst dei Sproch.

Flagge anklicken, um die Sprache auszuwählen.

Click to the flag to choose the language.

โปรดคลิกธงชาติ เพื่อเลือกภาษา

Weanarisch

Österreichisch

English

ไทย

Du findst uns doda

Asia Bar
250/1 Moo 3 Patak Road
Karon Beach
Phuket, 83100 Thailand

Unsa Asia Bar is aun da „Patak Road (East)“, de Kata mid Karon verbind, bei da Greizung zua „Luang Poh Chuang Road“, de zum Schdraund gähd (zua Karon-Beach).
Drugg doda , das d den Haadschara und de Oschneida sichst!

Drugg doda auf d Laundkoatn, daun sichst unsa Platzl.

Unsa Asia Bar is ned z’groos, dafia owa uandlich leiwaund, ächt wödglass und fest gmiadlich. Wuascht obst alaa, mid Hawara, an Schbäzl, mid deina Oedn oda mid deim Herzi audaunzt, oda mid ana unsara fäschn, freindlichn, sauwan, und ned mäuschdaadn Thai-Ma’ln⁽¹⁾ blä’ln wüst, s Xichd schlofd da sicha ned ei.

⁽¹⁾ ... De Zuagrastn song ofd „Thai Ladies“ oda „Thai Girls“ zu eana. Owa de Mentscha unsara Hittn san kanä Baana. Se san ächt leiwaunde, glasse Ma’ln.

Unsa glanä owa leiwaunde Hittn is ächt glass geg’n de aundan Bia und Go-Go-Bars fo aundare Grezzln in Phuket, wos ääh nua fesd blead, das da de Ruam raucht, und wos d ääh kan Bloz zum Knozn host. Wos owa ned hasd, das bei uns ka Grawäu is. Im Gegndäu, waun leiwaunde Oedschbozn oda a guade Hotwolää doda is, daun hauma ofd a muadzdrum Fesdl oda an mörda Mulatschak.

Wäus so gmiadlich is, haust di sicha glei mid wem auf a Bakl zaum, wuascht obst afoch an Hisign oda an zuagrastn Hawara suachst, oda obst auf Aufriss biist und ane eibrodn wüst, a Gschbusi suachst, oda obst nua zwex Deata a bissl Schmää fian duast.
Jedn daugts und fü bleim bikkn, wuascht obst in da Ghaam a Randl bei an Fia’l alaa aun da Bu’l laana wüst, oda mid ana muadz Batii den Äuk griaglweis biaschdlst, bist augrealt bist und de gaunze Blodan in Öö is.

De leiwaunde Randln und Hupferl mid unsare Mentscha vagist sowiso nii, voi Blunzn obst bei eana nua einedraast, di eineraunzt, se ausempast, ausfraadschlst, eana s Godal grozzt, mid eana wem ausrichdn, oda di ausschüdan duast, oda mid de Mentscha sunzd wos auffiast. Obst schbechdln oda schbeanzln duast, de Gaudää vagist sicha ned.

Unsare oaschfoe Liada gängan fo Thai-Musi üwa oide Hodan fo da gaunzn Wöd, raunza Schnuizn und Lamua'hatscha biis zu heitige Blera und Wödnumman. Bei dem Schiwe is via jedn wos dabei, und ääh gloa schdessmas in deinä Uawaschln.

Owa ned nua wegn unsara wöd drangln, da oaschfoe und guadn Musi, unsara urleiwaundn Mentscha gibt s bei uns a muadz Deata. Wia haum aah Gschbüü zum Saufiadan, wos d mid Bredln, Wiafen und Koatn zeig’n kaunst, wos d draufhost. Nu dazua haum ma a Flimakistn mit an Spiagl, wo ma de Gaudää da gaunzn Wöd einagriang.

Wia daadn uns narisch gfrein, wauns d bei uns einadaamen daadast. Das d sichst, das schmääone oes fraunk is, wos doda stähd, und das ma di ned mi n Dää augschitt haum.

Oesdaun, wia woatn auf di!

Wauns d wüst, kauns d uns aah a G’schichtl aun unsa Adräss schreim, oda uns a Imehl schickn.

...wauns d fo Karon audaunzt:
Karon Ringlgschbüü -> Patak Road East (4028) noch Kata -> noch n Karon Dempä (lings) -> voabei aum Dogda senta (lings) -> biis fost zua Greizung mid da „Luang Poh Chuang Road“ (rechds). -> a Äuzl vua da Greizung is lings aun da Patak Road unsa Asia Bar.

...wauns d fo Chalong daheabresst:
Chalong Ringlgschbüü -> Patak Road (4028) noch Kata -> duach Kata -> noch n Kata Dempä (rechds) -> voabei beim Postla Posten (lings) -> noch da Tankstöö (rechds) -> zua Greizung mid da „Luang Poh Chuang Road“ (lings) -> a Äuzl noch da Greizung is rechts aun da Patak Road unsa Asia Bar.

Doda nu a boa Laundkoatn und Stodtplenä,
das d ned oes oogrosn muast, und ned 3 moi iwa d Schreamsn foast, bevoas d bei uns eireidst.
(Drugg auf n Plan, daun gähd a auf!)

Zaa di zua Asia Bar!

Aundare Laundkoatn:
Kata-Karon-Übasicht	Kata-Karon-Dedäus